Vælkomin til heimasíðuna hjá kommunulæknunum í Vági »

Barnasjúkur »

Á heimasíðuni hjá danska Heilsustýrinum ber til at lesa bókling um smittandi barnasjúkur. Bóklingurin er ein vegleiðing til dagstovnar, skúlar og foreldur. Trýst her, um tú vil lesa um tær einstøku smittandi sjúkurnar, tær standa í bókstavarøð.

Í bóklinginum er kunning til foreldur, skúlar og dagstovnar um ymiskar smittandi sjúkur sum børn vanliga fáa. T.d. ber til at lesa um sjúkur sum kikhosti, lúsingasjúka, magasjúka (infektión), meningitis, millum oyrnabruni, meslingar, reydlingar, skoldkoppar, fárasjúka o.s.fr.

Vaksinatión »

Vaccinatión verður eisini rópt koppseting. Barnavaksinatións programmið er ein røð av vaksinatiónum til øll børn í Føroyum. Vaksinatiónirnar sum verða tilmæltar í barnavaksinatiónsskránnið kosta onki fyri børnini ella foreldur teirra.

Pinkubørn verða vaksineraði fleiri ferðir meðan tey eru smá. Viðmælt verður, at tey fáa Di-Te-Ki-Pol-Hib vaksinuna tá tey eru 3 mánaðir gomul og so aftur tá tey eru 5 mánaðir og 12 mánaðir gomul. Tá barnið er 5 ára gamalt verður mælt til at tað fær Di-Te-Ki-Pol vaksinuna. MFR vaksinan verður givin fyrstu ferð, tá barnið er 15 mánaðar gamalt og aðru ferð, tá barnið er 12 ára gamalt.

Styttingarnir Di-Te-Ki-Pol-Hib merkja: Difteritis (álvarsamur hálsbruni), Tetanus (stívkrampi), Kikhosti, Polio (barnalammilsi) og Haemophilus Influenzae týpa B (kann geva meningitis). Styttingarnir í MFR eru styttingar av trimum barnasjúkum: Meslingar, Fárasjúkan og Reydlingar.

Les meira um barnavaksinatiónsskránna á heimasíðuni hjá danska Heilsustýrinum sst.dk ella hjá Serum Instituttinum.

Vit gera vart við, at vaksinatiónsskráin í Danmark er broytt nakað í seinastuni, men hesar broytingar eru ikki settar í gildi í Føroyum. Talan er um hesar vaksinatiónir: móti pneumokok sjúku, sum donsku børnini nú fáa, tá tey eru 3, 5 og 12 mánaðir gomul saman við Di-Te-Ki-Pol-Hib vaksinunum, og um MFR vaksinatión, sum donsk børn nú fáa sum 4 ára gomul umframt sum 15 mánaðir gomul og evt. sum 12 ára gomul.

Skal barnið til lækna?

Tað sum tú kannst lesa her á heimasíðuni er bert vegleiðandi. Um tú ivast í, um tú skal fara til lækna við barni tínum, tí tað er sjúkt, ring so til læknan fyri at hoyra, hvat hon heldur.

Vaktlæknin felags fyri alt landið

Frá 1. februar 2011 er vaktlæknin nú felags fyri alt landið, tvs. at suðringar nú eisini skulu ringja telefon 1870 fyri at tosa við vaktlæknan eftir vanliga viðtalutíð hjá kommunulæknanum. Fyrr var Suðuroyggin, Sandoyggin og oyggjarnar sum hoyra til Sandoyar Sýslu uttanfyri vaktlæknaskipanina sum annars var galdandi fyri restina av landinum. Men nú er hetta broytt og øll skulu nú ringja til sama nummar eftir vanliga arbeiðstíð, tvs. í vikuskiftinum, um kvøldarnar vm. tá tørvur er á bráfeingis læknahjálp, sum ikki kann bíða til vanliga viðtalutíð hjá kommunulæknanum.

Kommunulæknin í Vági nýtt telefonnummar

Kommunulæknarnir í Vági hava fingið nýtt telefonnummar í februar 2009 og so aftur í september 2010. Nú er bara eitt felags nummar til báðir læknarnar og tað er 663020. Telefontíðirnar eru tær somu sum vanligt. Vaktlæknin í Suðuroy er felags fyri alt landið frá 1. februar 2011. Nummarið er: 1870.

Kunningarskriv til sunnaru helvt av Suðuroy, mai 2008 »

Vit hava sent kunningarskriv til øll húski í Suðuroyar syðru helvt. Í 2007 fingu vit nýggja telduskipan, talan er um eina talgilda heilsu skipan (THS). Okkum tørvar upplýsingar frá viðskiftafólki okkara um m.a. telefonnummar, fartlf., teldupost adressu, upplýsingar um heilivág, læknaordinerað krem osfr.

Les brævið við at trýsta her.

Barnadeildin á LSH »

Barnadeildin á Landssjúkrahúsinum hevur eina góða heimasíðu sum vit kunnu viðmæla foreldum at vitja: www.barnadeildin.fo har kanst tú lesa um barnadeildina, um ymiskar sjúkur sum børn kunnu fáa og mangt annað. Har eru foreldrafaldarar um sjúkur sum t.d. barnaeksem, millumoyrnabruna, barnasár, astma bronkitis, fepurkrampi, munnsár osfr.

Barnakanningar »

Barnaheilsu kanningar verða gjørdar fleiri ferðir í uppvøkstrinum. Fyrsta barnaheilsukanning hjá kommunulæknanum er tá barnið er 5 vikur gamalt. Næsta kanning er tá barnið er 5 mánaðir gamalt og so tá barnið er 1, 2, 3, 4, 5 og 6 ára gamalt. Síðan koma skúla heilsukanningar, har kommunulækni ella heilsusystir kanna barnið.

vagur@kl.fo • tlf. tlf. 663020 • Læknavaktin 1870

Kommunulæknin tlf. 663020

Telefontíðir kl. 8-9 læknarnir - akutt

kl. 9-12 bílegg tíð, resept v.m.

Læknavaktin (eftir arbeiðstíð) tlf. 1870

Teldupost: vagur@kl.fo

Til ber at bíleggja tíð við telduposti